Varswaterkunde (Gr 8)
Op Wilgedraai word Varswaterkunde aangebied vir Graad 8 Verkenners. Hierdie divisie word op die kamp uitgeken aan hulle donker groen pette.
Varswaterkunde is ons Verkenners se eerste smakie van die avontuur wat vir hulle voorlê op Wilgedraai. Hierdie spesialisasie word aangebied oor 'n periode van sewe aaneenlopende dae op die oewers van die Vaaldam. Daar word onder andere gekyk na:
- Kaartlees
- Plaaslike ekologie
- 'n Verskeidenheid van weerverskynsels en die instrumente wat gebruik word om dit te meet
- Basiese Varswaterhengel en die gerei wat daarvoor gebruik word
- Watersuiwering
- 'n Inleiding tot toepaslike lewensredding
Gedurende hierdie kursus kry die Verkenners baie tyd om bietjie langs die dam te ontspan en kuier. Dis hier waar elkeen van hulle se loopbane op Wilgedraai begin...
 |