|
|
| In die nuus |
11/09/09 |
     
|
Julie 2009 Die Vaart van VTS SEEJOL is sopas iets van die verlede. Hou gerus hierdie spasie dop vir die publikasie van die SKEEPSJOERNAAL asook die FOTOBLAD wat binne die volgende maand of wat opgedateer sal word. Julie 2008 Volume 1, Uitgawe 17 VTS SEEJOL spog met sy eie SKEEPSJOERNAAL jaarliks, lees gerus wat in hierdie prag-uitgawe verskein vir Die Vaart 2008. Die SKEEPSJOERNAAL word jaarliks saamgestel deur die Matrose van die Griffiers - 'n kursus wat daarop uit is om Matrose meer van Kampkommunikasie te leer - Gaan loer gerus by ons Kursusse om meer uit te vind.
August 2007 Volume 3, Uitgawe/Issue 3
VOORTREKKERS REIK UIT NA DIE NATUUR-G. LE ROUX
Die Voortrekkers is ‘n jeugbeweging vir ywerige doelgerigte Afrikaners. Dit bestaan uit laer- en hoër- sowel as naskoolse lede wat trots is op die ABC riglyne waardeur die organisasie gedryf word. Ons glo sterk in ‘n moderne Afrikanerskap, ‘n positiewe Burgerskap en ‘n konsekwente Christenskap as waardes waarmee ons Suid-Afrika ‘n beter plek kan maak. Daar word jaarliks verskeie kampe aangebied waarvan een spesifiek tydens die tweede week van die Junie vakansie op Hartenbos plaasvind.
Ongeveer ses busse vol opgewonde Transvaalse Voortrekkers het hierdie jaar gearriveer vir die jolige tyd. Die verskillende ouderdomme word ingedeel in verskillende kursusse. Een van die kursusse staan bekend as Selfbehoud - ‘n kursus waar mens die dieper dinge van die lewe leer deur 5 dae op die Vleesbaai duine te oorleef.
Ons selfbehoud-groep bestaan uit 33 graad 11 leerlinge (ook bekend as verkenners), en 3 ervare volwassenes (ook bekend as offisiere). Om by te dra tot die bewaring van die natuur help die selfbehoud groep jaarliks deur die strande skoon te maak en rommel op te tel. Die gemeenskapsprojek is aangepak onder leiding van Wayne Meyer — ‘n derdejaar student wat Natuurbewaring aan die Kaapse Tegnikon studeer en hom beywer in die bewaring van die strande en omliggende omgewing.
Die Selfbehouders se nederige bydrae behels onder andere die optel van rommel op die strande naby Fonteintjies. Dit is interessant om te sien dat die meeste rommel afkomstig is van verbygaande skepe aangesien dit die drukwerk van ander lande bevat.
Die Selfies is ook beloon vir hulle deelname deur twee blokke sjokololade vir die grootste en ook die swaarste rommelstuk. Ja-nee, Wayne weet beslis hoe om met tieners te werk. Hy het ook sy kennis met ons kom deel deur ons van die asemrowende seelewe te vertel en ook beendere van die lewe op die strande vir ons te wys en uit te ken.
Die Voortrekkers wil graag Mnr Riekie van Rensburg bedank vir ons kampeerplek op sy plaas en die voorreg wat ons het om elke jaar hierdie stukkie seelewe en duin te kan geniet. Hy bied ons waarlik die kans van ‘n leeftyd.
| |
Hierdie webblad was 07/22/09 opgedateer
