"Aansoek om Lidmaatskap"-vorms vir aflaai:

  L1 - Jeuglid Lidmaatskap        

  L2 - Volwasse Lidmaatskap

HIER VOLG DIE ALGEMENE WERKSWYSE OM IN TE SKRYF VIR SEEJOL 2011

Laai hier gemelde werkswyse af in Word-formaat

Alle inskrywings word elektronies hanteer ─ GEEN inskrywings sal vooraf per pos/aflewering in ontvangs geneem word nie.

 KOMMANDOSEKRETARISSE:

U laai die volgende dokumentasie van die webblad af:

o       Vorm AA ─ Die Deining: Dit is die algemene kampbrief en moet elke voornemende kampeerder bereik.

o      Vorm BB ─ Inskrywingsvorm vir JEUGLEDE: Hierdie is die enigste vorm wat as inskrywing sal dien. Geen vorm word sonder bewys  van betaling geprosesseer nie.

o       Vorm CC ─ Inskrywingsvorm vir VOLWASSE LEDE: Hierdie is die enigste vorm wat as inskrywing sal dien. Geen vorm word sonder bewys van betaling geprosesseer nie.

o     Vorm DD ─ Kommando-opgawe: Hierdie vorm word slegs deur die persoon hanteer wat verantwoordelik is om die kommando-inskrywings se inligting vas te lê.

─    U versprei Vorm AA, BB OF Vorm AA, CC na die voornemende kampeerders soos benodig.

─    Daar is ruimte gelaat op die inskrywingsvorms om ’n sluitingsdatum by die kommando aan te dui.

─   Neem kennis dat die SLUITINGSDATUM vir inskrywings vir SEEJOL 2011 Vrydag 20 Mei 2011 om 16:00 is. GEEN inskrywings sal sondermeer na hierdie datum geprosesseer word nie. Inskrywings sal wel prosesseer word indien daar nog plek by die betrokke kursus oop is. Dit mag meebring dat sekere matrose se inskrywings nie aanvaar sal word nie. Moet nie sondermeer aanvaar dat inskrywings hanteer word nie, SEEJOL sal aan u ’n lys met inskrywingsnommers deurstuur om te bevestig watter inskrywings aanvaar is. Indien daar uitstaande kampgelde van vorige jare sou wees, is hierdie bedrae eers betaalbaar VOORDAT inskrywings vir 2011 hanteer sal word.

Hoe word ingeskryf vir SEEJOL 2011?

o      U ontvang die inskrywings en bewys van betalings teen die datum soos deur u kommando bepaal.

o      U laai Vorm DD af, dit is ’n Excell-dokument. U sleutel die kerngegewens in die GEEL blokkies op die jeuglede en volwasse lede se bladsye in.

o      U sleutel elke voornemende kampeerder se inligting op die spreivel in deur telkens die TAB-sleutel te gebruik. Indien u ’n foutboodskap kry, kan u uitgaan uit die prosessering deur “Esc” te druk, dan kan u weer inligting invoer, of volg net die boodskappe op die skerm soos u aangaan.

o       Vir Nie-lede en/of Voortrekkervriende moet die toepaslike L1 of L2 vorms ook ingevul word en deur die betrokke ouers/voogde geteken word (waar nodig). Seejol sal met u kontak maak rakende die deurstuur van hierdie vorms voordat die inskrywing aanvaar word. ’n R300.00 Administrasiefooi is betaalbaar wat ook ’n tydelike Voortrekkerregistrasie insluit. Vir lede wat nie opbetaalde geregistreerde lede van Die Voortrekkers is nie, is dieselfde reëling van toepassing.

o       U word vriendelik versoek om seker te maak dat geregistreerde, opbetaalde lede se lidnommers voorsien word. Hierdie nommers sal met die gebiedskantoor bevestig word alvorens die inskrywing aanvaar word.

o       U maak ’n deposito gelykstaande aan die bedrag op die opsomming in Seejol se rekening. U gebruik u eie unieke verwysing soos op die vorm ingesleutel. Seejol se bankbesonderhede verskyn op Vorm DD.

o       U stoor die Excell dokument op u rekenaar.

o       U e-pos die dokument en bewys van betaling (op internetbankdienste is daar ’n opsie wat u help om die bewys van betaling direk te e-pos) na seejol@voortrekkers.org.za OF u e-pos die dokument na seejol@voortrekkers.org.za en faks die bewys van betaling na 086-696-1287. LET WEL: GEEN INSKRYWINGSVORM/KOMMANDO-OPGAAF SAL PER FAKS HANTEER WORD NIE

o       Vir meerdere inskrywings op verskillende datums MOET U telkens ’n APARTE EXCELL-dokument DEURSTUUR.

o       U plaas alle dokumentasie, inskrywingsvorms, L1 en L2 vorms, asook bewys van betaling in ’n koevert en bewaar hierdie koevert tot en met die vertrekdag op 01 Julie 2011, OF ’n ALTERNATIEWE REëLING kan met die Skeepskantoor per e-pos gemaak word om die dokumentasie vroeër aan die Skeepskantoor te besorg – GEEN INSKRYWINGS SAL OP HIERDIE MANIER HANTEER WORD NIE, SLEGS DIE HARDE KOPIEë SAL SO ONTVANG WORD.

o      Nadat alle inskrywings deur SEEJOL aanvaar is, word daar ’n dokument per e-pos aan u gestuur om die inskrywings vir SEEJOL 2011 te bevestig. SLEGS hierdie persone sal op Die Vaart kan gaan wat stiptelik om 17:00 op Vrydag 01 Julie 2011 vertrek. Matrose en offisiere kan alreeds vanaf 16:00 aanmeld. Die inskrywingsnommers wat aan die kommando gestuur is, dien as die matroos of offisier se buskaartjie.

o      U kommandoverteenwoordiger lewer die koevert met dokumente aan die Skeepskantoor by die vertrekpunt te Waterkloof Hoërskool. By gebrek daaraan, sal die vertrekproses gestop word, en u kommando ingelig word dat die hele konvooi busse sal wag totdat die regte dokumente daar opdaag.

·       Vir enige navrae kan u die Skeepskantoor direk kontak by seejol@voortrekkers.org.za